佔中第29日 x 佔領區突然撤回廣場公投

#佔中第29天 佔領區突然撤回廣場公投 18:30：#UmberllaRevolution #雨傘革命 #遮打革命 #TwitterNewsAgency 學聯及佔中發起人突然以投票活動未得共識，及議題複雜為理由，撤回晚上舉行的廣場公投。原訂於周日和周一晚上七時至十一時在三個佔領區舉行的手機投票，就兩個抗爭議題交由留守人士表決。（待續）更多詳見：http://redpointhk.blogspot.hk/2014/10/31-x.html

其實都唔使乜嘢廣場公投？示威者訴求已好清淅：「真普選=公民提名」，將這個建議放回建制討論，一直堅持這命題的官員可以收工，所以先至要689腳痛。至於一直作為吉祥物的林鄭會否變成陪葬物？還是由曾俊華全權接管？仲可以有價講。交換條件係示威者退回公民廣場和添馬公園長期留守，退還夏𢡱道和半邊添美道；其他兩區就留守者自決。至於五區公投就千祈咪搞，否則到時全港拉票街站日日開片，到時就真係「遍地打到開花」，警察真係唔得你死。

問題已經唔係係689去留。皮佢已收，最怕佢想垂死掙扎，搵人陪葬，甚至搞亂香港博最後反彈，林鄭想做局外人，但信佢不免一死。睇曾偉雄同曾俊華低調態度就知。維穩比689更重要，過去兩星期警方是小駡大幫忙，相信幫隊同解放軍已不為689所用，that,s why佢只能靠西環鼓動群眾鬥群眾，呢班人知道唇亡齒寒自然拼死一戰，所以我估計，未來兩星期先至係最危險。隨時會出動土製菠蘿。